قاطع طريق
#قاطع_طريق
قالو عني قاطع طريق
لا شاغل و لا مشغول
واقف في طريق الغول
حافي... جعان وحتى ضعيف
لكن قلبي جاسور
عايم على الشط
لكن بَعدي من الظلم بحور
عايش في براح رغم إن الحال
كل يوم عن يوم بيضيق
قاطع طريق
أيوه قاطع طريق الخوف
من عجلات الموت ماني مكسوف
على عضامي أدهسها و طوف
راح من قبلي كام ألف رفيق
قالوا عنهم
قاطع طريق
حاسس جوايا بضيق
متغطي بوهم في عز البرد جليد
قالوا عني عاله عليهم و أني بليد
رغم أن شقوق الشقى رسومات ف الأيد
فارموني وسط طريق
قاطع طريق
حلم العمر قبل مني دهسوه من زمان
حتى العمر مَر و مُر ما حلو يوم كمان
رغم غباهم لسه عايش بروح أنسان
غرهم جسدي النحيل فارموني
قاطع طريق
رغم أن حلمي كان بريئ
أفرشلهم بالورد طريق
حسن سعيد ابراهيم
#أيكادولي
تعليقات
إرسال تعليق