ليه حاسس

#ليه_حاسس

أن نبضة قلبي مفرقاني
الحرف ليه مكتوب حزين
والدمع جاري ويا نبض أحزاني

ليه حاسس
أن النفس مافيهوش
لا شهيق و لا زفير جوايا
حتى صوتي أنا مابسمعهوش

ليه حاسس
إن كل حاجه كانت سراب
الدقايق و السنين
كانوا وهم في ضباب

ليه حاسس
إنك يا دنيا معانداني
مهما أتألم من جراحك
أصرخ ولا انتي سمعاني

ليه حاسس
إنك سعيده كده بحالي
حزين مشتاق دابحني الحنين
ولا مشغوله أنتي بحالي

ليه حاسس
إن الأحزان فصيلة دمي
خطاويا محسوبه هموم
حتى الظلم شايل أسمي

حسن سعيد ابراهيم
#سونتي