ناويت خلاص

#ناويت_خلاص

لو ناوي تهجرني روح أهجر و روح
بس واجب عليا أقولك
إن بُعدك عن حضني جروح
خليك هنا ماتروح

لساك عايز تجرب
تبعد عني
من غيري تقرب
من نبع تاني عارفك ماتشرب

هنا مستنيك مهما تغيب
مانتش حبيب
لا
أنت عارف إنك طبيب
من روحي قريب

عارف أكيد أنت عارف
لو رجعت لحضني
راح أقابلك ع المشارف
نبتدي بعد التعارف

و عارف إنك عني مش غريب
يا حلم كان و لسه ساكن المكان
يا أيام فرحي اللي صالحني بيها الزمان

تعالى أنا مستنيك
قرب مني بخطوتك
صدقني وحشتني ضحكتك
و فرحه مرسومه على طرحتك

ليه تعاند
مني تباعد
كان بينا وعد ما نتعاند

واللي يقسى حبيبه ينسى
باين أنت قسيت
و كمان أنت نسيت
حتى تقولي سلام
طب أسمعها مني بتمنالك سلام

حسن سعيد ابراهيم
#سونتي