ذكريات الجيران
سيجاري و نكهة دخاني
و أنا و الذكريات
مع أول سحابة دُخان
أرجع بالذكرى زمان
كنا فيه أهل و عشره
أسره واحده إسمها الجيران
بنت الجيران هيا أختي
و أخوها بايت هنا جنبي
و أكل أمها جنب طبق أمي
والفاكهه اللي أبويا جابها
عندهم منها كمان
ما هيا أسره واحده إسمها الجيران
في العيد نتلم وعلى بعض نعيد
من بيت لبيت نتلم و ولاد عم سيد
ننام هنا ولا هنا لا في خجل ولاحد متقيد
كنا عيال بس ربونا ع الأصول
بينا محبه عيش وملح فلافل و فول
كانت أسره جميله إسمها الجيران
الفرح إللي عندك يفرحني
والحزن كمان كان يحزني
لما كتت أتعب تجري بيا
وبدمك يا جاري اتبرعت ليا
مسلم مسيحي أخلاقنا ولاد بلد
ضهر وسند وقت الجلد
كانت أسره جميله إسمها الجيران
تعالوا نربي ولادنا زي زمان
أختك من صلبك بنت الجيران
أخوها حامي بيتك وانت في الميدان
ما يدخل بينا خاين ولا يطمع كمان
نرجع أسرتنا الجميله إللي إسمها الجيران
حسن سعيد إبراهيم
#سونتي
تعليقات
إرسال تعليق