غيرك ماليش

#غيرك_ماليش

لما جيت أشكي منك غنتلك

لما نويت ألوم عليك الغياب
قلبي ما طاوعنيش

وافتكرت كلمتي إنك ما بتوحشينيش
لأنك ساكناني وماغبتيش

حبيت أعد الثواني إللي بتكوني جنبي لاقيتني من غيرها مش بعيش

لما بتقولي إنك رايحه بودعك لكن عندي أمل عليا ماتتأخريش

بضحك و أنا الباكي حتى في سلامي بضحك عشان ما تبكيش

آآه لو لما ترجعي ابصلك وأقرأ عيونك أسكت أنا ولا أحكيش

وكلام قلبك اللي تخبيه عني أشوفه في عيونك وأقولك ماتغمضيش

حتى نفسي إنك يا حبيبتي بعيونك معايا
مره بيهم ما ترمشيش

خايف مره تروحي وماترجعيش عشان كده اللحظه دي خليك معايا ما تُشرديش

لما تنوري بحضورك حياتي بطلب من الساعه و أترجاها ما تمشيش

أقولك لو أنت كده سعيده أفرحي وبيا ياروحي بالك ما تشغليش

لأن راحتك هيا راحتي هو ده حلمي من الدنيا وغيره أبدا ماليش

أبدا ماليش

حسن سعيد ابراهيم
#سونتي