من غير وداع

#من_غير_وداع

يا خساره راح و ما استناش
والحلم إللي بينا مات ما عاش
الأمل كمان أنتهى و ما بقاش

لامتى هاعيش متعلقه في حبالك
أنسى روحي و أنا عارفه خصالك
مشيت و اللي كان كان ولا على بالك

بس هاحاول بعدك أنسى و أعيش
واثقه أن الحياه خلاص مابتديش
ماتدورش على حد جنبك لانه مفيش

حلمي وحدي من غيرك هاكمله
وقلبي خلاص ماشي زي ما قلتله
راح يدوس على كل خاين أهمله

دموعي صعبه و أكيد مش هاتشوفها
لو بكيت راح تبكي روحي في وحدتها
حكايتنا حكايه ماتت وانتهت قِصتها

حسن سعيد ابراهيم
#سونتي