حقك بعملك

حقي ضايع ليه أسيبه
لظالم ياخده ف جيبه
لشيطان صاحبه حبيبه

لو يوم حقي ضاع مني
أيه تاني فيها يطمني
لما الأمين عليا يوخني

كلمه قالوها جدودنا زمان
أخرس الحق زي الشيطان
عارفك راجل مش  جبان

حقك و حق ولادك ليه يضيع
أشتغل فيها قوم بيها ما تبيع
ولا خسيس يشتريك تطبيع

عايز تنزل عايز تثور طيب على مين
شوف نفسك فِمرايتك و قولها كلمتين
شد حيلك فِعملك أدعي وصلي ركعتين

يحميها ربك من ولادها  و ولاد التعالب
إللي طبع الخيانه في دمهم غالب
خليك وحش معاهم قطعهم بالمخالب

ليه تِخون إلي معاك و تِجرح إللي جنبك
ليه من مسؤليتك تهرب و أشيل أنا ذنبك
ياعم صفي أنت روحك و أخلص  لِربك

حسن سعيد ابرهيم
#مصري