جيشي

الساده المحترمين.

إسمه  #جيشي  مش جيش السيسي

أما بعد
حضراتكم تتحدثون عن مرتبات الجيش والشرطه عايز أقولك حضرتك بتقارن نفسك بيهم بأي حق أي ما كانت وظيفتك.
تقدر تكون في البحريه طلعة بحر يعني تدريب في المياه الإقليمية
في مناورة والصاروخ يطلع لهب الدفع بتاعه يحرق الحكمدار بتاعك يموته و الجمجمة تتكسر ومخه يجي أمامك وأنت سنك 21 سنه يفصلكم 3 متر فقط وبعدها بيومين تقف أنت مكانه على نفس القاذف .
أو في الطياره رايح قفظ مظلات أو أنك في مأمورية سريه للغايه أو إنك في وحده لا يوجد بها مواصلات أو إليها غير بتوقيتات محدده كل 24 ساعه و متعرفش حاجه عن بيتك لما ترجع يقولوا مراتك بتولد و كانت محتاجه دم و دوخنا بيها
أو أبنك كان محتاج حضانه و مكناش لاقين.
أو مثلا لا قدر الله والدك كان في العنايه و طلب يشوفك ولا أبنك عيل عورة و جرينى بيه و أتخيط وأنت مش هنا
اقسم بالله هذه جمله والدي قالهالي يوم 7/8/86 أول يوم لي في العسكريه كان سني 15 سنه الا 14 يوم قالي (اوعى تعمل غياب حتى لو عرفت إني مُت كده كده هايدفنوني حضرت أو ما حضرتش.)

إللي يقارن يكون تذوق هذا المرار يقارن راتبه بالناس إللي مازالت بالخدمة يقارن مرتبه بعد كلام السيد الرئيس السيسي لما قال في 2016 بمناسبة إحتفالات أكتوبر تحية إجلال وتقدير للمشير طنطاوي صاحب فكرة خصم نصف الراتب من القوات المسلحه لصالح القوات المسلحه إكتفاء ذاتي مش مكرونه و خضار لاء من دم ولادها ليها .

تخيل حضرتك كنت أنت فين وإحنا فين كمان التطور إللي حصل لم أستفيد منه و أنا خارج الخدمه لا مستشفيات ولا فنادق ولا نوادي. ولسه عندي روح أديها و افديها
باي حق و أي وجه حضرتك تقارن نفسك بينا أيوه بينا لأني منهم أبنها و إللي فيها أخواتي و حقي عند ربنا مش متسامح فيه لكن أجهزة الدوله أيه بأيدها و أيه تقدر عليه.
كل الفئات عملت مظاهرات حتى الداخليه لرفع الأجور في مره حد من الجيش وقف لذلك.
عندنا عقيده كلماتها بسيطه لكنك لا تحترمها لأنك لا تفهمها.

#الله.    #الوطن.   #الأمر

ياريت إللي دخل سلاح التلميذ مايتكلمش على إللي لون جسمه بالون الأفارول

أو إللي دخل وكان يبكي بحثا عن واسطه أحب أقوله كمل رضعتك وتعالى

#أخيرا

أتقوا الله في جنودكم لا تحطم معنوياته كفايه غيابه عن بيته إللي فيكم مسافر بره حاسس أنه في غربه تخيل لما تكون بتحميها و أهلها شايفينك غريب فيها

لأخر العمر....... #فدائي

مقتنع شارك