حلم فقير
#حلم_فقير
خارج عن المألوف
ماهو عننا معروف
يا نموت من الجوع
يا نموت من الخوف
لكن
أنا خارج عن العاده
و حبها ليا ده زياده
ممكن تقول عباده
إني أعيش لها ملهوف
لكن
قلبي في حضنها طاير
أمي إللي عضمها خاير
مرعوب وأنا في بطنها
من ظلم الضماير
لكن
فتحت عيني في حجرها
من أحلامي أنا بَغزلها
تعيش و كمان تتهنى
والكل يقف إحترام لها
لكن
حلمي خايف يكبر
و الدنيا علينا تتكبر
أجري أنا و أسبقها
قالت يا بني تعالى أصبر
بُكرا الأحوال تدبر
لكن
نفسي يوم أنا أمي ترتاح
بالنهار شقئ و عقلها سواح
ماشتكت يوم لكن الوش وضاح
تصرف ما تبخل على تعليمي
تقولي يابني يا دوا الجراح
لكن
في كل بساتين الأحلام ساكن شوك
صابر يا ولدي ومن زمان سَموك
أنت صابر و
خليك في ضلي ما تعافر
خايفه عليك منهم تغيب
زي ما غاب أخوك
حسن سعيد إبراهيم
#سونتي
تعليقات
إرسال تعليق