تحت امرك ياوطن
ياربيع الغرب من سِمك أكلنا
ياولاد الحرام عهركم أقتلنا
قولتم ودبرتم وإحنا صدقنا
بس إللي إحنا فيه من غبائنا
كل واحد عشش عمله عزبه
والغلابه عايشين في خيمة الغربه
ناس تموت وناس عادي واكله شاربه
ناس في قصر وناس تتمنى تربه
جرح سمكم غار فينا غرغرينا
وإحنا زي الغنم على علفكم جرينا
لا يوم وقفنالكم لكن على بعض إفترينا
زي قشه وسط بحركم بنغرق وحدينا
ليكم أوهام في خيالكم ترسموها
عقول ولادنا بالحريه دايما تسمموها
أراضي مننا في غفلتنا بتحتلوها
وعود و إتفاقيات من كدبكم تنكروها
إللي بينا وبينكم في الكتاب آيه
ليكم اسلوب يبرر كل كدب وغايه
لكن حلمكم أكيد جايله يوم نهايه
لما نتوحد كلنا على رفع أغلى رايه
ياولاد العروبه بناديكم أسمعوني
لملموا الجراح بينكم و معاكم داوني
تعالوا في البرد نتجمع أغطيكم تدفوني
إللي سلمت نفسي ليهم غيركم خانوني
كل خلاف بينا سوا بهدوء نِحله
والخاين ندهسه وندوس حتى ضِله
كل واحد فينا يسند ضهره على خِله
وسلاحنا نوجهه لعدونا نهينه و نزِله
حسن سعيد إبراهيم
فدائي مصري عربي
تعليقات
إرسال تعليق