بكل رقة
بكل رقة طلبت مني
حذف صورتها
أمنيه منها بكلمه بسيطه
يا ريتها ما أتمنتها
و اترجتني وبالله حلفتني
حسيت أنا بدمعتها
كان صعب عليا أرفض
و أرجع ليها ضحكتها
حذفتها من عيني لكن
لو بأيدك تقدري
أحذفيها من جدران قلبي
أيوه هيا هنا نقش فرعوني
على قلبي و جفن عيوني
ماتحاوليش حتى تطلبي
إني أحذفها من جوايا
أو أني أتنسم منها هوايا
إلا لما لروحي تِسلبي
عارفه إني بطلبك حزين
واثقه إنك سيل الوتين
إزاي قدرتي لطلبك تكتبي
عذابي لو فيه راحة بالك
و همي لو يسعد حالك
ولا يهمك عيشي و أتبسمي
صوتها و أنا أصم مابسمعهوش
وعيني لكلام عيونها ما شُفهوش
لكن عيشي ولا يوم تتألمي
حاضر بلا أحزان ماتخافيش
حاضر راح أضحك و أعيش
لو أيه كمان لا تخجلي و اتكلمي
خايف خطوه خطوه عني تبعدي
و للفراق أنتي بكلامك تمهدي
وعلى قلبي يجي يوم تترحمي
طب هاقولك وعد و عهد ليك
لو ماتعرف أد أيه لهفتي عليك
كنت يوماتي بيا راح تحلمي
حابب أقولك و اعترفلك كمان
إن صورتك جوا قلبي في أمان
وإني حبيبك ولقلبي ما بتظلمي
حسن سعيد إبراهيم
#نبض 💓 #يكتبه ✏️
جمهورية مصر العربيه
تعليقات
إرسال تعليق