خلاص
أنتهينا خلاص
بنينا ألف حاجز
ومليون سد
حتى نسينا كلامنا
نسينا إن كان بينا وعد
نسينا أو فكرين
انتهينا خلاص
عمر كان قبلها راح
و اتقابلنا قولنا لبعض
نكون دوا الجراح
نمسح هموم علينا مكتوبه
نقرب لبعض و نعيش
لو لحظات أفراح
لكن الزمان له رأي تاني
انتهينا خلاص
الجفا يروي بذور الشوق
و تموت زهور على غصن الشوك
و ريح تكسر عود عليه حرفين
وقلب كان بيجمعهم
ونار تحرق ورق عطشان
لدمعة عشق
لكن انتهينا خلاص
يا خسارة
محدش عارف جرح مين
عن مين بينزف
ولا حد عارف مين بيبكي بخوف
إللي يبكي دموع واللي يبكي حروف
إللي يلوم الحياه واللي يلوم الظروف
لكن انتهينا خلاص
خلاص
حسن سعيد إبراهيم
نبض 💓 يكتبه 📝
جمهورية مصر العربيه
تعليقات
إرسال تعليق