كُنا صغيرين
لما كُنا صغيرين
كان جوانا كتير أحلام
إللي حَب بنت الجيران
ولا حبتهوش
و إللي حَلمِت بِفارس على حُصان
ولا طالتهوش
و إللي فينا حِلمه كان بسيط
يهرب من حاره ضيقه
يسافر يغير حاله
والظروف ماسعدتهوش
و إللي عاش متعلق في ساقيه
دواير داير يلف و يلفلف في روحه
يروي غيره و الدنيا ماروتهوش
و إللي كان سايب روحه تروح
مكان ماتروح ولا شاغله
راح العمر فات قطره
ولا ركبهوش
و إللي كان بيحلم يكون فرحة والديه
عافر بروحه في صخر الحياه
وصل وقت الفرح لكن
على حساب والديه
ماتوا ولا فرحوش
بنت وكان حلمها الستر
فارس يضمها بين جناحاته
حضن و أمان
سلمت روحها لخسيس جبان
بإسم الحب خدعها
شرفها ياخساره ماصانتهوش
أحلامنا على أرض الحياه
كانت مزروعه في أرض بور
طعمها كان حنضل مرارها بزياده
زرعوا لكن وقت الحصاد
ياخساره مَحصدوش
حسن سعيد إبراهيم
نبض 💓 يكتبه 📝
جمهورية مصر العربيه
تعليقات
إرسال تعليق