مش كده ولا ايه

اصل العباره والحكايه و بكل صريح

حياتي كلها هروب و كمان تسطيح

هم بيجري و راهم يتفقوا صحيح

تفتح باب الحلم تلاقيه كله تجريح

ومين يسند في زمن حاله عجب

كل دورهم معاك مصمصه و شجب

لا راضين برمضان و لا حتى رجب

اهم حاجه السعاده عنك تتحجب

طيب يا خلق هوه هو ايه اللي حصل

كان ودنا موصول و ايه اللي فصل

ولا طبعكم الغلاب بيكم إتصل

وطبع النداله بعد الغيبه وصل

الاصيل يموت واقف و لا يتحني يوم

والندل ندل لو يحقنه رجوله كل يوم

عمر الاصيل سنين لو عاش بس يوم

عمر الندل مقصوف بعد سنين في يوم 

حسن سعيد إبراهيم

نبض 💓  يكتبه 📝

جمهورية مصر العربيه

حقوق النشر محفوظه

تم التوثيق