قابلتك
#قابلتك
و كأن الفرح علينا مكتوب
لكن الذنب مش ذنبك
ولا هوا كمان ذنبي
كل الحكايه أرض مشتاقه
لندى روحك ترويها
و دمعه من عيني نغنيها
قصه و دي حياتنا فيها
نتلاقى عشان نبعد
والجرح فينا يعيش
عمر أكتر من الفرح واعدنا
ولا يوفيش
قابلتك يمكن
قابلتك وكان كفي متحني
هموم
وخدي نهر دموع
وقلبي عن الفرح كان صيام
وعقل كله غيوم
و لا شايف للفرح عنوان
قابلتك يمكن
يتجدد نبض روحي
و أداوي بيك جروحي
لكن داوتني و جرحتك
قضيت على فرحك
ولا يوم جف دمعك ليه
يمكن وعدنا مكتوب
يتبدل فيه حالنا
والزمن شايل فرحه جيالنا
يمكن قابلتك عشانها
ف ماتسألشي
قابلتك يمكن
الروح تنسى أوجعها
و دموع عيني أمسحها
و الفرح ضحكته تلالي
و ألاقي ضحكتك بعد ليالي
من الحزن كان كاسي
شربت منه كتير
ف ماتسألشي قابلتك ليه
حسن سعيد إبراهيم
نبض 💓 يكتبه 📝
جمهورية مصر العربيه
حقوق النشر محفوظه
تم التوثيق
تعليقات
إرسال تعليق