إزاي تخبيها
بكرهك زي ما بتكرهني تمام
يمكن أكتر من كده كمان
كلمه سهل أقولها
لكن صعب على ملامحي تبان
قولي مشاعري بيك
إزاي أداريها
و نظرة لهفة ف عيني
أيه يخبيها
كل لحظه علينا مرت
و لا كلمه بينا اتكتبت
قصه العشاق بتحكيها
لو تقدر تقولها
أنت قولها
لكن علمني إزاي مشاعرك بتخبيها
همسك ضحكك لسه
جوايا
لسه شمس نهاري
ياقمر سمايا
لسه حاسس إنك نصيبي
حتى لو قلت إنك مش حبيبي
أكرهني كمان و أنا هاكرهك
ياللي كنت لجرحي طبيبي
لكن علمني إزاي مشاعرك بتخبيها
لو مر على بعادك سنين
ولا نداك الشوق و الحنين
الذكرى هاتعيش جوانا
زي نبض القلب و دمع العين
و إن قابلتك مره صدفه
داري مني لهفتك عليا
والاشتياق للمسة إيديا
بس علمني إزاي مشاعرك بتخبيها
مهما بينا الايام تدور
او عدينا ف الفراق
موج البحور
لسه عايش مستني
فجر قربك
يشع بين الضلمه نور
ياللي حبك جوا قلبي
فاق الاحساس و الشعور
كل خوفي لو قابلتك
فرحتك بيا تداريها
وقتها علمني إزاي مشاعرك تخبيها
حسن سعيد إبراهيم
نبض 💓 يكتبه 📝
جمهورية مصر العربيه
حقوق النشر محفوظه
تم التوثيق
تعليقات
إرسال تعليق