مقتول حلمنا
#مقتول #حلمنا
أجيال ورا أجيال
مقتول ليه حلمنا
والأمل إللي رسمناه
تحت الحِصار اتمحى
وبكره إللي جاي خايف
يكون مصيره زي إمبارح
و نِدانا صراخ و دموع
والطفل ضحكه موجوع
لعبته صراخ م الجوع
ليه مقتول حلمنا
يا بُكرا تعالى ما تخافشي
أوعدني بفرح ما يمشي
و أنا أوعدك عيني ما تنمشي
بس هات معاك حلمنا
كل أحلامنا بسيطه لكنها
تبني وطن واحد
حدوده شرق و غرب
ليه علم واحد
عليه غصن زيتون
وحمامه بيضه تنادي بالسلام
دا السلام حلمنا
راح مني الكلام تعالى يا حلمنا
كان هنا جنبي بيشاركني حلمي
إتصاب برصاصه عني
و اترمى غريق في حضني
مات وخد معاه الحلم
سابني عايش سجين ألمي
محروق الورق مكسور ليه قلمي
حسن سعيد إبراهيم
نبض 💓 يكتبه 📝
جمهورية مصر العربيه
حقوق النشر محفوظه
تم التوثيق
تعليقات
إرسال تعليق