عادي أهو
#عادي #أهو
طب أهدى منا هادي أهو
أهو و أهو و أهو
في أيه مالكم كورونا
عادي هي يعني راح تاخد مننا كام
كل يوم عادي و طبيعي عندنا زُكام
من الدخان أو من عرق الزحام
اكتر من كده وعادي
أهو أهو أهو
كهربا مالها الكهربا
رفعوا سعرها ما يرفعوها
بيصدروها ما يصدروها
مش أحسن ما عننا يقطعوها
قول ورايا عادي جدا أهو
أهو أهو أهو
عادي جدا عادي خالص
خليك عادي كده و ايزي حالك
هو يعني كان من حُر مالك
بنزينك مكفيك خلاص بيا مالك
أنت مكشر و أنا عادي أهو
أهو أهو أهو
مدارس أيه يا بيه هي جديده
شاغل نفسك ليه بطفوله سعيده
ده فكر و رؤيا بعيد عنك رشيده
يبقئ تزعل ليه
خليك عادي أهو
أهو أهو أهو
خليك زي كده عادي ع الأخر
و من الأخر خد باسبورك و اتاخر
مش ناقصه كلامك و لا حشر مناخر
أه أسمع كلامي خليك عادي أهو
أهو أهو أهو
شوف يا خينا مش قاعده و رحرحه
كله عشان خاطر العامه مصلحه
ماشبعتش من قاعدتك المتصلحه
أيوه كده خليك زي عادي أهو
أهو أهو أهو
خد بالك عشان ما تتعبنيش قهوة يُك بح
تتعب و تجري تشتكي مرضك خلاص يح
أقعد في بيتك تابعني هو ده صح الصح
شوفت إعلاني
عادي أهو منا عادي أهو
حسن سعيد إبراهيم
نبض 💓 يكتبه 📝
جمهورية مصر العربيه
حقوق النشر محفوظه
تم التوثيق
تعليقات
إرسال تعليق