فدائي
صباح الخير يافدائي
راجع و لا رايح
ولا الاتنين واحد
لو راجع بيتي أزور أمي
يمكن راجع على وحدتي
يجوز رايح أزور ابويا
أو إستدعاء من الاجازه جاني
قالوا دفعتك فَجره جاني
سيبت أبوي و اخوي و أختي
و معاهم أمي و خالتي
و جريت لملمت أنا حاجتي
اول قطر أنا رِكبته
شنطتي فيها من الهموم كتير
فيها حال أرضي إللي هاتبور
وفيها شقتي إللي مع الوبا تغور
فيها كمان أحلام ببنت الجيران
فيها وعد ودين أرجعلهم فرحان
و رايح على مخلتي
فيها مسؤليه و دين
و سلاح متعمر ف الإيدين
و قلب نابض و عيون سهرنين
عارف أني ممكن أرجع نصين
لكن ده ستر لاخواتي البنتين
لو كلاب الخسه تعوي عليهم
مين غير أخوهم يفديهم
أبويا و على كده رباني
بلدك يا ولدي حتى لو بتعاني
حسن سعيد إبراهيم
نبض 💓 يكتبه 📝
جمهورية مصر العربيه
حقوق النشر محفوظه
تم التوثيق
تعليقات
إرسال تعليق