عنقودها
#عنقودها
عنقود عنبها غير كل العناقيد
لو يشبهم يختلف في الايد
ليها طعم و لون يسكر
كاس منها للعقل يسحر
وانا دايب فيها عطشان
طرحها غير كل الأغصان
لونها القرمزي يخطف الألباب
معتق حبها عليه مغلق الف باب
ماتعرف له عمر و لا مواليد كام
حلال عليا منها وع الكل حرام
قطفت من عنقودها حبات
وعلى غصنها مره خدي بات
شربت من خمرها كأس و اتنين
رسمت كمان على عودها حرفين
قالت يا نن العين أشرب أرويك
في بستاني اتهنى و هنا خليك
العنب عنبك و العنقود لك وحدك
يا خولي الجنينه قولي مين ادك
شهريار من يومك مالي عرشك
خسران من يوم حاول يغشك
أشرب مره و عشره و لا تسكرش
نبيذ روحي لك وحدك ما يتعكرش
خليني كاسك و من غيري ما ترتوي
واللي يقرب منك بناري راح يتكوي
انا عنقود في بستانك غيرك ماليش
ان زعلت مره مني منك ما تحرمنيش
حسن سعيد إبراهيم
نبض 💓 يكتبه 📝
جمهورية مصر العربيه
حقوق النشر محفوظه
تم التوثيق
تعليقات
إرسال تعليق