حلم الطفوله

حلم الطفولة

نام حلم الطفوله البريئة

حاضن دقات الزمن

بيحلم برحله جريئه

تخطي بيه ايام الشجن

كل الحكايه طفله عاشقه

جمال و أحلام سنها

ليها ضفاير و قلب حاير

مين يسعد يوم قلبها

على فراش الحياة غمضت العينين

تلحفت بالأمل ييجي فجر بضحكتين

مر من عمرها لحظات شافت كتير

ما بين أحزان و فرح و شوق و حنين

في يقظتها راسمه حياه تتمنى تعيش فيها

و في منامها قصص و روايات بابتسامة تحكيها

أرض روحها خِصبه لزهور عمرها بالحب ترويها

يارب حلم بنت بالسعادة تفرح تحقق معانيها

حسن سعيد إبراهيم

نبض 💓  يكتبه 📝

جمهورية مصر العربيه

حقوق النشر محفوظه

تم التوثيق