على فين

على فين

في طريق مجهول ماشيه خطوتي

جايه منين ولا على فين يا سكتي

مابين ضلام و نور محتاره دمعتي

وبين ذكريات الحياه أداري ضحكتي

بصرخ بقول الآه و الكون فضا أنا و وحدتي

خطوة على الرمال و موج يمحى أثر مَشيتي

رسمت كتير أحلام ف الصغر فتافيت على صخرتي

يا فجر بكرا هات معاك للقلب فرحه تِضُمني

رجعني لحلم طفولي  برئ و نبض كان بيهزني

غطيني بالأمل يمكن فرحه لروحي تاني تُردني

وانتي يا ذكرياتي خليكي هنا حواليا نور

نعيش الفرح بروحنا دقايق ومعاها سرور

نبعد زي زمان بحبنا عن أي غايه و شرور

نعيش هوانا ف الاحلام نطير بجناح عصفور

يا ماضي السنين هنا خليك جنبي

فرقتنا السنين لاهو ذنبك ولا ذنبي

وجمعتنا تاني و استجابة لدعاء قلبي

وجودك هو حلمي منايا من الدنيا و طلبي

حسن سعيد إبراهيم

نبض 💓  يكتبه 📝

جمهورية مصر العربيه

حقوق النشر محفوظه

تم التوثيق