أيه جرى
ما كان على بالي
يتغير كده حالي
أعشق و أدوب
و عنها ما أتوب
و يكون قلبها خالي
من صغري أنا طاير
ولا كنت في الهوا حاير
جرحت ياما قلوب
غالب ماكنت مغلوب
ولا سحرتني مره ضفاير
مغناوي بكلام معسول
شبك الغرام بالود مغزول
قلبي عُمره مرة ما مال
لا بنظرة عين ولا رنة خلخال
قول زي ما تحب عني قول
و أتغير بيا الحال
وخلاص القلب أهو مال
ليها نظرة جرحها مالهُ دوا
و قلبي عطشان ما ارتوى
و رمش واه ياني قتال
عشقت و العشق صاب روحي
و افتكرت كل أنا جروحي
كام قلب زمان جرحته
حزن ولا مره فراحته
و اديني هايم مع نوحي
يا قلب كان أيه جرى
و يا حزن ليه الدمع جرى
كنت عايش ولا شاغلك
و اديك بتدوق كأس عملك
هاترتاح ولا هاتندم يا ترى
حسن سعيد إبراهيم
نبض 💓 يكتبه 📝
جمهورية مصر العربيه
حقوق النشر محفوظه
تم التوثيق
تعليقات
إرسال تعليق