مش معقول
معقول اللي باقي منا
شوية حاجات
ليه تقولي كده
جرى مني أيه
طب ليه
ماكنتش مستني كده
غيابي عنك له سبب
و قربي منك
له من الأسباب مليون
لا انا كنت خاين وعد
ولا أبدا هاخون
كل إللي حواليا
ظلال و انت أصلهم
كلهم غثاء فيض
وانتي نبعهم
متخيله آمِل منك
ولا أبعد يوم عنك
لكن غربة العجز قاتلاني
اتغربت لجل أقرب منك
و رحلت عشانك
مش هجر حضنك
و اتحملت غربتي
وقسوتها بين الأغراب
سافرت هنا وهناك
تعبت عشان أقولك
بكل ثقه بحبك
وشاري
لكن قبل الغربه
بأيه كنت شاري
وانت عارفه مفيش
أيوه مفيش غير
حب على السطور
وقلة حيله تجفف بحور
و روح بتموت مع كل فجر
نفسها تشق الأرض شق
و تعملك من الضلمه نور
جيتلك ورجعت حضنك
قصفت الشوك من غصنك
و ناويت ماتجف أرضك
لو حتى هارويها دمع عيني
بكلمه منك أحيني
قولي ماوحشتنيش
لأنك عني ما غبتش
ومنك أبدا ماشتكيش
حسن سعيد إبراهيم
نبض 💓 يكتبه 📝
جمهورية مصر العربيه
حقوق النشر محفوظه
تم التوثيق
تعليقات
إرسال تعليق