فتافيت السكر

البنت دي عليها كلام

ف جملة خدتني غرام

مع كل ضحكه ترمي سلام

و في عيونها منصة سهام

قلتلها انا عايز طالب اتعلم

هاربع انا ايدي ولا اتكلم

بس خديني مره معاكي

قولي عني طير سماكي

قولي عني طفلك  الباكي

قولي كمان اني هواكي

عايز اتمختر بيك وسط اصحابي

و تجيلي يوم تنادي و تخبط بابي

و اعمل فيها استاذ تحضري بين طُلابي

و اتعصب و علي صوتي هو هو يا خرابي

اسمع منك لحن جميل

اغنيلك ع الصبوره مواويل

وانت بينهم تتعاجب

و بحسنك يا جميل

و اقولك شوف حالي

على حبك خير دليل.

حسن سعيد إبراهيم

نبض 💓  يكتبه 📝

جمهورية مصر العربيه

حقوق النشر محفوظه

تم التوثيق