من تكوني
من تكوني
ليه حلمنا ما يطولشي
~~~~~~~~~~~
كل الغموض أنتي
مجهولة الروح أيوه
قلبك لمين قولي
لكن فيا إزاي سكنتي
حاسس بيك كأنك
خطوتي الاولى ف حياتي
خايف أغلط فيها و أتوه
لكني غريق على شط حضنك
آه لو من زمان قابلتك
لو كنت انت حالي
قبل ما يطول ترحالي
كنت على أسمي كتبتك
لكنه قدر و كمان نصيب
تدور الأيام بينا
تتوه في السكك خطاوينا
نلتقي ف طريق غريب
يكون القرب جارح
و الفراق يقتل اجمل ما فينا
تجري دمعه على الخد حزينه
و نعيش في بستان هم طارح
كل اللي قبلك كانوا أيه
قابلت قبلك وجوه متلونه
و قلوب كمان مش طبعنا
لكن انت غيرهم قولي ليه
طب بعد أيه
قلبي خلاص ماهواش ملكي
ولا قادر اطاوعه و اجيلك
ولا قادر افارق حضنك
كل نبضه في صدقني بتبكي
عارف لو بأيدك و لا أيدي
كنت من غير جناح أطير
و من غير مملكه بيك أمير
لكن مكتوب الحزن يجري ف وريدي
نرجع نقول ليه اتقابلنا
يمكن رحله وسط أحزان الحياه
او حلم أننا مع بعض عِشنا
يعود بينا الزمن للي حوالينا
نصحى من حلم جميل عِشناه
و نقول يا ريته طال بينا
تنتهي معاه الحياه
ولا يفضل من ذكراه غير كل آه
حسن سعيد إبراهيم
نبض 💓 يكتبه 📝
جمهورية مصر العربيه
حقوق النشر محفوظه
تم التوثيق
تعليقات
إرسال تعليق