ليه

ليه انا تايه مني

و بدور على حالي

بين روحي و نفسي و ذاتي

حاسس  اني غريب

لما اشرد و ارجع 

ليه روحي ماتحضنيش

ولا مره نفسي تقابلني

هي و ذاتي مايعرفونيش

وكأني ليهم  مش قريب

على كده حالي من زمان

الوجع ساكن الروح 

و نفسي عاشقه التوهان

و الذات عاشقه الجنان

حتى كفي ما يعرف طبع الحنان

في ظلام الليل ضي

و شمس النهار ظلام

و الحياه جوايه بالعكس

والفرح يعدي مستني كلاكس

و رساله تقولي عيشها احلام

و اتفرقوا اصحاب الامس

نفسي و روحي و ذاتي

و انا بينهم تايه محتاج فحص

حسن سعيد إبراهيم

نبض 💓  يكتبه 📝

جمهورية مصر العربيه

حقوق النشر محفوظه

تم التوثيق