موال

موال شعبي

ياليل يااااليل ياااا يااااليل

قالوا زمان  اهل زمان

ان الغرام ما يحلى من غير

عتاب و ملام

و لا تهدى القلوب و تنام

الا بعد السلام 

اخر الكلام

يا اهل الغرام بلاش خصام

اعاتبك و تعاتبني

نتحاسب و تحاسبني

لكن تزعل تفارقني

ده والله حرام

من عشرتنا زمان و انت عارفني 

قلبي طيب سهل العيون تخطفني

لكن انت نبع الروح

انت المنى و الاحلام 

يبقى في شرع مين قولي

تعمل عن حبي اعتصام

حسن سعيد إبراهيم

نبض 💓  يكتبه 📝

جمهورية مصر العربيه

حقوق النشر محفوظه

تم التوثيق