رسالة وداع
رسالة وداع
خلاص ناويت اغيب
و ابعد عن حدودك
عيشي يومك عيشي فرحك
و ارسمي ضحكة خدودك
عنك هاغيب
قربت منك كتير ضمني حضنك
و رسمت حرفين بدمعي على غصنك
لكن راويت جذورك انا بحزنك
سامحيني
ناويت أغيب
كل المشاعر هنا عشتها ليه انتِ ماحسيتهاش
ليه الحب رحل عنا و في العتاب ماتحملناش
يا ريته كان عاتبنا و لا يوم راح عنا و ماستناش
عنك هاغيب
يمكن تلاقي فرح عمرك و تعيشيه
و جرح حبي تلاقي دوا و تنسيه
الجارح مافي حد يوم يبكي عليه
اكيد هاغيب
لكن في غيابي بلاش تفتكريني
قولي جرحني قولي سبب تنسيني
قولي كمان ظلمني و بكى عيني
من غير وداع هاغيب
الوداع كلمه صعبه عليا لكنها مكتوبه
قدرنا نعيشه بإرادة مسلوبه
اخر نظره ليكِ و بعدها راح اعيش
عيني معصوبه
لكن هاغيب
حسن سعيد إبراهيم
نبض 💓 يكتبه 📝
جمهورية مصر العربيه
حقوق النشر محفوظه
تم التوثيق
تعليقات
إرسال تعليق