قرارك

       #قرارك

اخدتِ قرارك و عرفتي سكتك
طيب يالا مع السلامه
من غير وداع ماتودعيش

طريقك من هنا
خدي بعضك والذكريات
لمي كل حاجه و ما تخليش

ايامك معايا خلاص و انتهت
و النبضات اللي عليك
زمان بكت
روحي انتي و عنها ماتسأليش

هاقولك كمان كلمتين
بعد ما اخدت مع قلبي و اديت
من جراحك انا أداويت
مع السلامه وراكي ما تبصيش

ضحكتي خلاص لو كانت منك
بلاش  منها
رغم ان فرحة عمري
اتبدلت معاك بدمعتها
و النبضه اللي كانت ملكك
قسيت انا عليها و رميتها
عنها ما تسأليش

لو سألوكِ عني قولي ما يحلالك
قولي كداب قولي خاين
قولي كل اللي يجي في بالك
بس بينك و بين نفسك
ندم ما تبكيش

عمر دمع الندم ما يرجع اللي كان
و لا يمحي ذكرة ألم ساكنه مكان
يا قلب عايش لنفسه
فين فقربك إحساس الأمان
سلام من غير وداع ما تودعنيش

حسن سعيد إبراهيم
نبض 💓  يكتبه 📝
جمهورية مصر العربيه
حقوق النشر محفوظه
تم التوثيق