اكرهيني
اكرهيني
ايوه بطلب منك تكرهيني
يا اجمل ضي سكن عيني
بس و انت بتكرهيني
ما تنسيش في دعوتك تضميني
و اكرهيني
رسمت معاك اجمل أحلام
و كتير كتبت عنك عشق و غرام
لكن حرام اظلم عمرك و سنينك
و اخدك في طريق اخرته مش هاتلاقيني
يا ريت تكرهيني
لسه عمرك زهرة على غصن جميل
لسه ليك جناح على خصر نحيل
تظلم روحك ليه ويا قلب عليل
كل ده لان قلبك الطيب حَسني
و من جراحي تتمنى داويني
لكني بطلب منك تكرهيني
سنين على قصتنا فاتت بتجري
و اللي راح قبلك ماتحسبش من عمري
لكن بأيدي ايه أُوهِبهولك يداويك
و لا ازاي يا عمري نبعي يرويك
دانت غطاي و انت ستري
وانت من نفسي بتحميني
لكن بقولك اكرهيني
حسن سعيد إبراهيم
نبض 💓 يكتبه 📝
جمهورية مصر العربيه
حقوق النشر محفوظه
تم التوثيق
تعليقات
إرسال تعليق