ضحكة مرار
يا بلدي لسه بضحك فيكي
تصدقي لسه بضحك ليكي
عايش رغم الحاله مرار
اعتذار منها و لا مني
ولا مين لتاني يعتذر
اللي راح غباء قرار
من اللي يوم رقص و غنالها
ولا اللي ضحى عشانها
و اللي ولاده اتهدت لهم دار
عمرك و عمري راح منه كام
كام يوم مر عليك زحام
في الطريق و لا بين الأشرار
في كل حتة تلاقيهم اسياد
قهر و مرمطه في العباد
و يقولك رأي الأحرار
لو لسه ليك فيها رأي أبلعه
و لو صوتك سامعه اوعاك تطلعه
لو قالولك ثورة قلهم مت مع الثوار
جرحك الهين بأيدك انت داويه
و دمع خدك نشفه لما يجري عليه
و ابلع ريقك سممه بمر الانتظار
كام امل مر عليك مستني بكرا
كام حلم و كام مخطط و فكره
جالك بسببهم بالفصل كام اخطار
يابني خليك زي باقيالمخاليق
وجه دعوتك لسما وقت ضيق
من يوم الخليقه ربك راسم مصار
حسن سعيد إبراهيم
نبض 💓 يكتبه 📝
جمهورية مصر العربيه
حقوق النشر محفوظه
تم التوثيق
تعليقات
إرسال تعليق