ضحكتها

ضحكتها

دي عليها ضحكه يا بوي

تداوي

كل حزين مجروح شايل

بلاوي

و ان حد قالي اوصفها

محتاجه غناوي

عمرها اللي عدى منها كان جميل 

و عاشت وحيده قلبها عليل

لكن الزمن بالفرح كان بخيل

و لساها بتضحك

قرب منها تلاقي عود اخضر

وراور

و الخدود الله و الشفايف كمان 

أساور

لو سألوك عن الدلال من غير كلام

عليها شاور

ليها أبواب و كمان أسوار و حصون

و بين وردها يحميها شوك الغصون

لو كلمتها في صوتها حنين و شجون

ولا ضحكتها

ليها رنه تناديك تعالى قرب

اتنسم زهرها و من نبعها تشرب

خايف عليك لكن بلاش تتهرب

حسن سعيد إبراهيم

نبض 💓  يكتبه 📝

جمهورية مصر العربيه

حقوق النشر محفوظه

تم التوثيق