بعد الحنين
بعد الحنين
وبعد سنين اتقابلنا
كنا عايشين في دنيا تانيه
دنيا رسمناها بالحروف
شغف لقاء و كمان خوف
اضمها بين سطوري
و تطبع قبلة على خدي
في خواطرها
كانت تعاتبني بيها
و اقولها دمعتك امسحيها
و انسي احزانك هنا
و تعالي نعيش في جزيره من خيالنا
تلتقي ارواحنا نداوي كل جراحنا
و اتقابلنا لمست ايدها و بوستها
و شفايفي على الخد رسمتها
و سمعت مني نبضي
و نبضاتها حروف انا كتبتها
صمت رهيب حوالينا
حتى عقارب الزمن في سكون
الطيور تتعجب و الناس في جنون
اغرورق الدمع في العيون
تعمقنا في النظرات حتى ارتجفنا
و من الشوق تلاحمت الأصابع
ارتفع النبض و الشهيق يتبعه الزفير
و استفاق القدر للقائنا
فانطلق النفير
يوقظنا من صمتنا و ضجيج القلوب
و انتهى اللقاء في ثواني يَدوب
و عادت الأرواح لأجسادها
بين السطور من تاني تذوب
حسن سعيد إبراهيم
نبض 💓 يكتبه 📝
جمهورية مصر العربيه
حقوق النشر محفوظه
تم التوثيق
تعليقات
إرسال تعليق