ضحكه و دمعه

دمعه و ضحكه

حاولت أرسم روحي 

اللي جوايا

أمسح دمعة منها

و ابدلها بضحكايا

بكت الريشة و الألوان 

سالت زي الدموع 

على خد عشق دمعايه

و سألت نبضي يقولي

أيه هيا الحكايه

و سمعت لكل نبضه قصه

حزينه و روايه

نبضه تبكي على طبع الأصيل 

وحاله مع اللي مد له أيديه

و نبضه بتصرخ هي الدنيا

مالها ناسها حصلها إيه 

نبضه مجروحه على ظلم

الأبن و جفاءه لولديه

و قلب كان مخلص يضمهم

زرعوا الشوك حواليه

بكت الألوان و بتصرخ ريشة رسمي

لما وقعت اللوحه بأسمي 

حسن سعيد إبراهيم

نبض 💓  يكتبه 📝

جمهورية مصر العربيه

حقوق النشر محفوظه

تم التوثيق