مجنون قلبي

يا مجنون قلبي

خايفه اقول بحبك تجرحني

و تكتب اسمي بين ضحاياك

وعلى حصان أبيض بستناك

من بين الهموم و الأحزان تاخدني

رسمتك عش يضمني بحنان

و فرشت لك رمشي

عليه تنام و كمان تمشي 

و اتمنيتك تحبني بجنان

سألوني ليه ده و اشمعنى هوه

ولا اهتميت و لا جاوبتهم

و في حيرة سؤالهم سيبتهم

يا مالك العقل و على عرش القلب جوه

كدبه و قلتها للي حواليا

حب ايه و يعني ايه حب

و مين يستاهل مني نبضة قلب

الا قلبك انت يا روحي وكل ماليا

كل القلوب حواليك دايبه فيك

و انا من بين القلوب عاشقاك

مع كل صباح انتظرك و ليل اتمناك

لو تطلب عمري كله بحب اهديك

حسن سعيد إبراهيم

نبض 💓  يكتبه 📝

جمهورية مصر العربيه

حقوق النشر محفوظه

تم التوثيق