ورا كل باب
ورا كل باب
البيوت حواديت
حكايه فكل بيت
لو تدور تِلاَقي
في فراق و تَلاَقي
اصل الكلام
يبتدي بسلام
ومن بعدها
يجري دمعها
ترسم ضحكه تداريها
و آهات و دموع حكاويها
كل الجدران ليها ودان
حتى الروح بين حيطان
محبوسه فيها الدمعه
ناس تصرخ و ناس سامعه
حتى اللي في صمت باكي
تحس روحه من نظرته شاكي
ماهي ساقيه و الكل بيشرب
قدر و مكتوب فين تهرب
اقفل بابك لوحدك عليك
ضحكه او هم خليها ليك
اتغربت ولا قربت
اتعلمت و جربت
لكن لساك في بيتك
محبوس جواه صوتك
قولي بتنادي على مين
وفي همك كلهم مشاركين
احزن و داري همك
افرح وحدك ولا يهمك
تصاحب تصون عهدك
تخلص يخونوا ودك
تعيش انسان بطبعك
تطعمهم ياكلوا صبعك
كتافك شالت كتير هموم
حظك على الجبين مرسوم
ربك عالم بحالك حليم
يرحمك رحمن رحيم
حسن سعيد إبراهيم
نبض 💓 يكتبه 📝
جمهورية مصر العربيه
حقوق النشر محفوظه
تم التوثيق
تعليقات
إرسال تعليق