من نافذة القطار

من نافذة القطار

تحرك القطار في هدوء حتى وصل لسرعته القصوى المناظر تتوالى من نافذة القطار بيوت و مصانع اشارات يقطعها بسرعته دون توقف سيارات مصطفه على جانبيه.

تبدأ رحلته الخضراء بين ربوع الريف هناك  من يغرس و من يروي و من يضع الاكل للبهائم و اخرى امام فرن الطين البدائي وجوارها العيش الفلاحي أشم رائحته من فرن جدتي لاعود بالزمن لأزورها في بلدتنا .

أبن إبني أعز الولد ولد الولد و تاخدني في حضنها كبرت ياواد و شد عودك و شنبك خط في وشك.

شوفيلي عروسه يا ستي

هو انت مستني حد يشوفلك مانت كل اخبارك عندي كل يوم على غصن لما خايفه عليك تنكسر رقبتك يا شقي.

ممكن تشيل الشنطه 

جمله زي غسيل الوجه في عز شهر طوبه بمايه ساقعه

ست اربعينيه بتستأذن تقعد جنبي ركبت من محطه و الكرسي برقم تذكرتها

ممكن اقعد جنب الشباك 

ايه بقى الخنقه دي

اتفضلي حضرتك تحبي اطلبلك قهوة كمان

والله ده كرم منك لو كان بدون سخريه و امتعاض مغلف بذوق على طلبي

لا و هامتعض ليه عادي حتى الناس تقول اننا سوى مع بعض و ادينا بندردش

اسكندراني و رايح انهي طلبات لشغلي

مخنوقه و مسافره لأهلي أغير جو

هات اتنين قهوة انا هاشربها سكر خفيف وحضرتك 

بدون سكر لو سمحت

مانمتش من يومين و مش عايزه أنام 

حضرتك معايا ولا مركز مع الفيس

اسف سامحيني برد على معجبين صفحتي

صفحة ايه 

انا بكتب خواطر و قصص ومقالات

بجد انا بحب اقرا الحاجات دي

ماسمهاش الحاجات دي هي كراكيب مطبخ

ههههه هههههه

حلوه كراكيب مطبخ دي مقصودش والله بس معرفش اقول عنها ايه

قولي احاسيس او نبضات 

انا بحب اكتب عن الصور التعبيريه يعني أقرأ الصور بتقول ايه يعني صورتك في حاله معينه اقرئها و اكتب ما حدثتني به تعابير وجهك.

كمان ممكن اسمع مخنوقه من ايه و أحوله لخاطرة تحكي همومك.

للأسف شربنا القهوة و الوقت اخدنا دخل القطار اخر محطه 

ده اسمي على الفيس اتمنى مراسلتي و ارسال طلب صداقه لتواصل

سلام .... سلام

حسن سعيد إبراهيم

نبض 💓  يكتبه 📝

جمهورية مصر العربيه

حقوق النشر محفوظه

تم التوثيق