كلمني
كلمني
كلمني عن روحك
وهي في حضني
قولي إحساسك
وأنت على غصني
طيب حاسس بأيه
وأنت بين جفني
كلامك و حياتك
خلاص حته مني
مهما حاولت
عنك تعزلني
أو تداري إحساس
و لا بكلامك تحجمني
كلم نفسك و عاتبها
أو جادلها عني
قولها اللي جواك
لكن خليك هنا طمني
إن اللي ليك جوايا
عشق من غير ما تعشقني
ظنك وأنت حر فيه
وأنا كمان حر في ظني
أوعدك أحافظ عليك
وأنت اوعاك تخذلني
حسن سعيد إبراهيم
نبض 💓 يكتبه 📝
جمهورية مصر العربيه
حقوق النشر محفوظه
تم التوثيق
تعليقات
إرسال تعليق