ماكنش حب
ماكنش حب
غرقت في دموعك
لاجل ما أنجيك
و ضحيت بروحي
يمكن موتي يحيك
لكن و بكل ندم
قلبك شط صخور
حواليه امواج تدور
وانت روحك عدم
كل المشاعر غابت
زي حاجات كتير راحت
بريق عينيك ساحر
و تفكيرك بعقلك الماكر
قتلني و نبضاتي ماتت
يا زهرة الحب ألوانك زور
عودك خداع عطك غرور
وانا معاكي سهم مكسور
جارحني شوكك
كنت قبلك في سرور
غدرك باين من الجذور
يا خسارة الثواني والسنين
وسطر في حبك عليه حرفين
عشانك عشت هموم
عشت عاجز احررك
من غصنك المبتور
من أرض ريها دمع حزين
دفنتي كام قلب فيها
و ضحكتي ملء العينين
حسن سعيد إبراهيم
نبض 💓 يكتبه 📝
جمهورية مصر العربيه
حقوق النشر محفوظه
تم التوثيق
تعليقات
إرسال تعليق