أصل الدفى
أصل الدفى
و الحكاية مش فرش وغطا
ولا ناس رايقة مظقططا
كل الحكاية
لمبة و بابور جاز
تقول كده وناسه
سهارة
حاجة من ريحة زمان
ايوه زمان ياعم
بتاع الدفى و الكل شبعان
حلة على بابور جاز
منها نار قايدة تدفينا
و منها شوية عدس
و لقمتين ناشفين
و فحل بصل وياهم
و نتلم كلنا دفيانين
لما كانت البيوت
قش و طين
بس ناسها طيبين
على حصيره ننام
تحت قفص الحمام
عادي
أو على قش قمح نايمين
لا فيه لحاف ولا حتى
عندنا كليم
ربك عليم بينا
العضم أكله البرد في الغيطان
مابين ضم و ري
و عزق و حرث
يطرح عودين
عود مايل حاله
و عود صالب طوله
لكن في آخر النهار متجمعين
نقفل علينا دارنا
و نبات مستورين
حسن سعيد إبراهيم
نبض 💓 يكتبه 📝
جمهورية مصر العربيه
حقوق النشر محفوظه
تم التوثيق
تعليقات
إرسال تعليق