برج حمام
برج حمام
انا قلبي برج حمام
فاتح للعشق غِيه
طاير في بحر الشوق
عاشق الملاغيه
يا حمام الحب تعالى
رفرف بجناح الهوى
عليل من يومي
و جرحي ماله دوا
حبيت من صغر سني
و الهجر قدري كان غصب عني
وصفلي طبيب الهوا
قلبي يكون برج حمام
وافتحه غِيه
يحط في عشي حمام
و يرحل من غير سلام
ولا حتى تحيه
يسيب في جرحي علام
هموم و كمان قسيه
وانا إللي ليهم دفى و أمان
مكانهم حضني و عينيه
بكيت وطبيب الهوا قالي
خليك برج حمام وقلبك غِيه
لا يوم دواني كلام طبيب
ولا شوفت منهم حِنيه
عَل قلبي و داب
لكنه ما تاب عن الملاغيه
أصل الحمام مهما حام
راح يعود يوم للغَيه
حسن سعيد إبراهيم
نبض 💓 يكتبه 📝
جمهورية مصر العربيه
حقوق النشر محفوظه
تم التوثيق
تعليقات
إرسال تعليق