هنيالك
هنيالك يا سايب
حمولك على الله
في كل امور الحياه
ربك عليم
بيسمع من القلب نِداه
في سجودك ناجيه
صلي على حبيبك
عيش السكينه معاه
الدنيا ايه غير فتن
مال و بنون
و ناس حواليك و ظنون
في سجدتك
كل الهموم بتهون
فيها أيه لو تقلبك في ليلك إستغفار
و في كل عملك شايف
تعاتب ضميرك
ولا تنسى فيه جنه و نار
و رب وقت التوبة رحيم غفار
يابن آدم حملك زاد على كتافك
سترك وقت ذنبك
ولا حد غيره شافك
ارجع و ندمك دموع
على خدك و تسبيحه
على شفافك
مادد إليك يديه سبحانه
إن جيته تايب
و كنت عن بيوته غايب
اجعل لك من رحمته نايب
و تعالى في الصفوف بين الحبايب
#حسن_سعيد
تعليقات
إرسال تعليق