موال
#موال
في عز وحدتي
و غُربة سِكتي ناديت
بعزم ما فيا
قُلت فين اللي كانوا
يوم لمة حواليا
ردت عليا خطوتي
مِد في طريقك
اللي راح راح
لما حالك صار جراح
بصيت لسما
انا بصيت لسما
رغرغت بالبكى عيني
و قلت يا طريق
بجنابك طمني غطيني
ضُم الحزن فيا
و من أهل الجفا دفيني
شقشق الفجر
على خد الدموع بتجري عليه
زقزقة عصافير
بتئن من صوت قلبي العليل
قالت وحد ربك عالم بيك
داري دمعتك ولا تشمت حد فيك
الدنيا بحر و مركبك
مالهاش بر ترسى عليه
غريق كل من عافر وحديه
يا كاتب الموال داوي سطر مجروح فيه
و كرر من الحروف حرف الفرح غايب عن عينيه
يمكن تجف دمعته و يلاقي عش يأويه
#بقلمي حسن سعيد مرسي
تعليقات
إرسال تعليق