وانت ماشي
وانت ماشي
خد كل حاجه ليك معاك
آخر ورقه في قصتنا
بأيديك انت قطعتها
لا هاكتب فيك شعر
ولا أنظم لك خواطر
خلاص بالنسبه لي خلاص
قصة وانتهت
دموعك صدقتها كتير
و الحجج كمان
لكن هنا آخر الطريق
لا ينفع تكون حبيب
ولا حتى تكون صديق
لو ليا عندك ذكريات
ولا بعض الحروف والكلمات
أحرقها زي منا حرقتها
هاكدب دمعه زمان صدقتها
كف أيدك تاني ماتمدهوش
سلامك حتى ما تقلهوش
الأنانيه فيك زي نبضك
حاسس إن كلنا ضدك
وانت بالأساس
عمرك ما فهمت نفسك
يا خسارة كل نبضه
نادت عليك
راح أهدم أي مكان هنا ليك
و اقولك روح في سكتك
تعيش سعيد أو تعيش وحدتك
حسن سعيد مرسي
تم الحفظ و التوثيق
قلبي ❤ و نَبضُه
تعليقات
إرسال تعليق