مالك يامه
مالك يامه
ليه الخوف و من مين
لاقيتي في حضن الجدار الدفى
من قلة البني ادمين
خوفك جوع ولا قلة غطا
ولا قلب ابن اتعمى من الغبا
اصلبي عودك يامه
لبسنا اسود كتير
والضهر من حمله اتحنى
سبحانه ربك في التدبير
قومي يامه ليكي بدل الولد ملايين
على نصرتك يوم يأذن ربك
متعاهدين
اللي يبني و اللي يزرع
و اللي ساب بيته فيه عيلين
والله هناك واقف بين جبلين
عينه على عدوك
و قلبه هنا مشتاق للوالدين
يا مه قومي حني كفك و اتوضي
و ادعيلنا بالخير في ركعتين
لو على نومتك و لقمتك
صدر اخواتنا جنبك والكتفين
الجدار بكى من حالك
يالا همي بخطوتين
على دار اخوكي ولا عمك
ولا على دار واحده من البنتين
مشغول بحالك يامه
وعشانك متعاهدين
مهما يامه حاولوا يكرهونا فيكي
نكرهم هما و بالفرح نحني رجليكي
نبضات قلمي
حسن سعيد مرسي
تعليقات
إرسال تعليق