الامل في الله
الأمل في الله
ولا عمره اشتكى
ولا حتى مره بكى
اخره على جنب يحزن
ساتر نفسه بشال و هدمتين
يقوي عوده ببصله و لقمتين
عنده صبر و طولت بال
حتى همه بيغنيه موال
ع التقفيصه و اني جاعد (جالس)
ويا الهم صحاب بنتواعد
لا طلبت منه يرحل ولا يتباعد
أصل احنا بقينا عشرة
بدأنا سوا من الصفر
لما نزلنا تحتيه بعشرة
عيب عليا في الشده أسيبه
هو حد يفارق نصيبه
وجع القلب علينا مكتوب
نلبس توب الفرح مقطع و معطوب
و نرص الهم جنب الهم صف طوب
لكن و من خلق الخلق سبحانه
لو نسى الحلم سجانه
لسه الأمل في الله و سلطانه
يصلح حال الكل
و يطبطب على المظلوم و أحزانه
تم الحفظ والتوثيق
قلب ❤ و نبضتين
حسن سعيد مرسي
تعليقات
إرسال تعليق