كفانا مُر
كفانا مُر
قلمي و فنجاني
قهوتي ليها نكهة مؤلمه
و خلفيه ليه معتمه
و صفحتي بيضا
لكن سطورها مستسلمه
لما جيت اكتب و افرح
كتب القلم من نكهة قهوتي
و على سطور العمر
سقطت ليه دمعتي
الروح مع الوقت بتموت
والجسد لساه رايح جي
ليه يا بشر تبكوا
على اللي راح
ما كان بينكم ظلمتوه
لما كان حي
كام صفحه بنطويها
نكتب غيرها و غلطات
منكم ننساها و نمحيها
كفانا مُر
هو اللي راح اكتر من اللي جي
بين البشر والله
ماتلاقي لي زي
لا شكر فيا ولا غرور
فعل والله ومش كلام
فرحي يوم مالقاك مستور
يرجع الحق لصحابه
والظالم يجي عليه الدور
تم الحفظ والتوثيق
قلب ❤ و نبضتين
حسن سعيد مرسي
تعليقات
إرسال تعليق