هي دي خصالك

هي دي خصالك

اتعلمت التُقل منك و كمان الدلال
عرفت انه صنعه هو و الاهمال
ونجحت اني اعاملك بنفس الخصال

عارف انك هاتيجي معصب و غضبان
تشتكي مني وتقول على نفسك غلبان
وان ليا قلب لا يعرفه انس ولا جان

مش هو ده طبعك و دي دايما عمايلك
ياما كتير تظلم و انا اداديك و احايلك
زي القمر بعيد قريب لكني مش طايلك

منك خلاص انا اتعلمت
كتير كمان زمان اتألمت
لا اشتكيت و لا اتكلمت

ماتشتكيش غير طبعك و خصالك
وعيشها قبل ما تعاملني بأعمالك
ياحبيبي اصفالي زي ما بصفالك

قلب ❤ ونبضتين

حسن سعيد مرسي
تم الحفظ والتوثيق