ولاد الأصول
ولاد الأصول
انا الضد انا النقيض
وانا العادي البسيط
لو في البرد تحتاجني
راح اكون غطاك
في عز الشدة صدقني
هاكون وياك
رغم ده كله مش محتاجك
ولا تحس وجودك رد جميل
اللي بعمله وياك طبعي و تربيتي
الحكاية مش مصلحة و خلاص
في نفوس بتدي حب و اخلاص
دي حاجه امثالك ماتعرفهاش
عشان على لقمة حلال ماترباش
من قوتي لو جعان هاديلك
لو بموت اطلبني هاجيلك
و منك حاجه مابستناش
الأصيل عمره يوم ما جاع
ولا برخص التراب يتباع
الأصيل ياكلها بشرف مش إسفاف
الندل عايش عالة على الأكتاف
لو عينه جت في عين الأصيل
تنكسر و من المواجهة. يخاف
عرفت كده إحنا مين
إحنا ناس تجيب ناس يتوسطولك
تقعد تحت رجلينا و تكون من السامعين
نقول الرأي تهز راسك فاهم
مش فاهم تقول حاضر أمين
لو كشفت صدرك تلاقي
كام علامة عليك معلمين
ستر و سترناك مش يوم
لا والله سترناك سنين
اللي ربانا قال خد بإيده
يقعدلكم ياولادي دنيا و دين
نبضات ❤ يكتبها 🖋
حسن سعيد مرسي
تم الحفظ والتوثيق
تعليقات
إرسال تعليق